Heimilistæki
Hljóð og mynd
Símar og úr
Tölvur
Gaming
Snúrur og rafmagn
Snyrting og heilsa
Snjallheimili
Áhugamál og farartæki
Unaðsvörur
Duty free
Íslenska ánægjuvogin
ELKO mældist efst meðal viðskiptavina raftækjaverslanna í Íslensku ánægjuvoginni 2024.
Að þessu sinni voru niðurstöður birtar fyrir 48 fyrirtæki í 15 atvinnugreinum. ELKO hafnaði í 3. sæti ánægjuvogarinnar meðal smásöluverslanna og 8. sæti sé fyrirtækið borið saman við öll þau fyrirtæki sem mæld voru í Íslensku ánægjuvoginni á síðastliðnu ári. Við þökkum öllum okkar góðu viðskiptavinum fyrir traustið og munum leggja okkur fram um að halda áfram að gera betur.
Íslenska ánægjuvogin er félag í eigu Stjórnvísi og framkvæmd mælingarinnar í höndum Prósents. Mælingin er gerð með það að markmiði að útvega fyrirtækjum samræmdar mælingar á ánægju viðskiptavina auk annarra þátta sem hafa áhrif á hana, svo sem ímynd, mat á gæðum og tryggð viðskiptavina.
Nánari upplýsingar um Íslensku ánægjuvogina er að finna á vef Stjórnvísi
Landsins mesta úrval af raftækjum
ELKO, stærsta raftækjaverslun landsins, opnaði fyrst þann 28. febrúar árið 1998 og varð strax frá upphafi leiðandi á sínu sviði á Íslandi. Í dag rekur félagið alls fimm verslanir og má þar finna landsins mesta úrval af raftækjum. Áhersla er lögð á að bjóða úrval af þekktum vörumerkjum á sviði raftækja á lágu verði ásamt því að veita viðskiptavinum framúrskarandi þjónustu og eftirkaupaþjónustu.
Kennitala: 561000-3280
Virðisaukaskattsnúmer 108151
ELKO ehf. er skráð í Firmaskrá Íslands.
Starfsfólk ELKO
Hjá ELKO starfar fjölbreyttur hópur einstaklinga sem hefur sérhæft sig á sviði raftækja og þjónustu. Hlutverk okkar er að hjálpa öllum að njóta ótrúlegrar tækni og er megináhersla lögð á ánægju viðskiptavina. Lista yfir stjórnendur og starfsfólk á skrifstofu ELKO má finna hér.
Sjá nánari upplýsingar um mannauð og laus störf hér.
Eignarhald og stjórn
Eignarhald: ELKO ehf. er í 100% eigu Festi hf.
Stjórn ELKO ehf.
Stjórnarformaður: Ásta S. Fjeldsted
Stjórnarmaður: Magnús Kr. Ingason
Framkvæmdastjóri ELKO ehf. er Óttar Örn Sigurbergsson.
Sjálfbærniskýrsla ELKO
Það sem skiptir þig máli skiptir okkur máli og þar með hafa samfélagsleg og umhverfisleg sjónarmið ELKO verið ofarlega á baugi. Sem hluta af samfélagslegum áherslum höfum við valið að vinna í anda þeirra fimm heimsmarkmiða sem við teljum að snerti hvað mest kjarnastarfsemi félagsins. Sjá nánari upplýsingar um samfélagsskýrslu ELKO hér.
Heimsmarkmiðin sem ELKO hefur valið að setja sérstaka áherslu á eru
3. Heilsa og vellíðan
5. Jafnrétti kynjanna
8. Góð atvinna og hagvöxtur
12. Ábyrg neysla og framleiðsla
13. Aðgerðir í loftlagsmálum.
Skoða sjálfbærniskýrslu ELKO
Umhverfisstefna ELKO
ELKO hefur skráða umhverfisstefnu sem nær til allrar starfsemi fyrirtækisins með það markmið að draga úr álagi á umhverfið og að umhverfissjónarmið séu höfð að leiðarljósi í daglegum rekstri. ELKO er umhugað um að lágmarka áhrif starfsemi sinnar á umhverfið en í því felst mikill umhverfislegur ávinningur í því að stuðla að flokkun og halda almennu sorpi í lágmarki. Flokkunarskrá ELKO má finna hér.
Smelltu hér til að sjá Ecovadis sjálfbærnimat birgja.
Umhverfisstefna ELKO
Fáðu eitthvað fyrir ekkert
Áttu gamlan snjallsíma, spjaldtölvu, leikjatölvu eða fartölvu sem safnar ryki heima hjá þér? Þú getur komið með tækið í ELKO og við förum í gegnum einfaldan gátlista til að sjá hvað þú færð fyrir tækið. Við kaupum svo tækið af þér og komum því í endurvinnslu. Sjá nánari upplýsingar um eitthvað fyrir ekkert hér.
Stefnur og sjálfbærni
Umhverfisstefna ELKO
ELKO hefur skráða umhverfisstefnu sem nær til allrar starfsemi fyrirtækisins með það markmið að draga úr álagi á umhverfið og að umhverfissjónarmið séu höfð að leiðarljósi í daglegum rekstri.
Mannauðsstefna
Markmið ELKO er að vera fyrirmyndarvinnustaður þar sem áhersla er lögð á þjálfun, jafnrétti, heilsu og öryggi starfsfólks.
Jafnlaunastefna
Jafnlaunastefna ELKO er launastefna og gildir fyrir allt starfsfólk. Jafnlaunastefnan er til að gæta jafnréttis í launaákvörðunum til að starfsfólk hafi jöfn laun fyrir sambærileg eða jafnverðmæt störf óháð kynjum. Hún er einnig órjúfanlegur hluti af jafnréttisstefnu.
Jafnréttisstefna
Mismunun vegna kyns er óheimil, í hvaða formi sem hún birtist, og er það stefna Festi og dótturfélaga að gæta fyllsta jafnréttis milli kvenna og karla. Hver starfsmaður er metinn að verðleikum óháð kyni. Jafnframt er mismunun vegna kynþáttar, trúar- eða stjórnmálaskoðana, kynhneigðar, þjóðernis eða annars slíks óheimil.
Persónuverndarstefna
Við berum virðingu fyrir þér og persónuupplýsingum þínum. Við viljum að þú sért upplýst(ur) um það með einföldum hætti hvernig og af hverju við söfnum, notum, og varðveitum persónuupplýsingar um þig og hvaða réttindi þú hefur gagnvart okkur.
Sjá nánari upplýsingar um mannauðsstefnu ELKO og laus störf hér.
